Sookhe patto ki voh char char awaaj,
Dila deti hai mujhko un dino ki yaad,
Jab tanhaayi mein ye sukhe patte dete the mera saath,
Aur karte the hum dheere dheere dil ki baat,
Patte ko gum tha daali se tutne ka,
Haal aisa hi tha apne bhi mann ka,
Yaad aata tha tera voh mudkar na dekhna,
Mushkil tha patte ko pathjhar ka mahina,
Par patta tha khush shayad mujhse jyada,
Voh akela nahi tha is daraavne khel ka pyada,
Saath uske girte the hazaron aur patte,
Aur dum todte the saath saare hanste hanste,
Accha ho agar main apni baat na karun,
Tumhaare bare mein sochkar umar barbaad na karun,
Par khuda se maangta hun bas teri khushiyan,
Par dil chahta hai tere jeene ki bhi fariyaad na karun,
Intazaar hai saawan ka hum dono ko,
Jab patta chumega apni daali ko,
Yaadon ko bheega duga boondon ke saath,
Aur chod dunga is kaafir zindagi ka haath,
Aur chala jaaunga us khuda ke paas,
Jisne tumhe rakha hai banakar apna khas,
Vahaan na koi pathjhar hoga na koi saawan,
Haatho mein haath shuru hoga fir vahi pyara bandhan,
Jise tod kar tum kahin durr chale gaye
Aur intezar mein tumhare mere kitne saawan gujar gaye…..
Comments
Post a Comment